Gjykata e Lartë e Brazilit vendosi se komentet urryese homofobe do të dënohen me burg. Gjyqtari Edson Fachin, tha në vendimin e tij se ishte një “detyrim kushtetues” t’u jepej qytetarëve LGBTQ+ mbrojtje të barabartë sipas ligjit. Gjykata kishte vendosur në vitin 2019 se homofobia ishte një krim, ashtu si racizmi.

Por vendimi i mëparshëm zbatohej për sharjet kundër komunitetit LGBTQ+ në tërësi, jo për sulmet ndaj individëve të veçantë. Grupi i të drejtave ABGLT e solli çështjen për të zgjeruar më tej mbrojtjen ligjore. Gjuha e urrejtjes dënohet me burgim nga dy deri në pesë vjet në Brazil.

“Fitore kundër LGBT-fobisë,”-postoi në rrjetet sociale transgjinorja Erika Hilton, duke festuar vendimin. Grupet e të drejtave regjistruan 228 vrasje të personave LGBTQ+ në Brazil vitin e kaluar. Vendi me 203 milionë banorë është vendi më vdekjeprurës në botë për njerëzit trans, sipas grupit të të drejtave Transgjinore Europe, me 1,741 të vrarë nga viti 2008 deri në vitin 2022.