Ashtu si ne, qentë mund të kenë frikë nga gjëra të ndryshme. Astrapofobia (frika nga rrufeja) është një fobi e zakonshme për kafshët shtëpiake. Ka qen që zhduken me zhurmën e parë dhe duan orë të tëra për të dalë dhe të tjerë që thjesht ndjejnë frikë. Për shumicën e kafshëve dita e Pashkëve dhe nata e Vitit të Ri janë më të këqijat e tyre sepse i kanë shumë frikë fishekzjarret. Ashtu si fëmijët e vegjël, qenushët ndihen keq kur lihen vetëm në shtëpi. Ky quhet ankthi i ndarjes. Natyrisht, reagimet e tyre mund të ndryshojnë.

Disa qen lehin gjithë ditën, disa shkatërrojnë gjithçka që munden dhe disa bëhen aq të pakujdesshëm sa mund të pësojnë një aksident në shtëpi. Rrallëherë një kafshë nuk ka frikë nga veterineri si dhe shumë qen nuk duan të hipin fare në makinë. Kjo mund të nënkuptojë një përvojë të keqe të mëparshme ose pa përvojë fare.

Ndërkaq, ju duhet të keni parë ose dëgjuar për qen që fillojnë të lehin kur shohin fëmijë dhe mund të bëhen agresivë. Mbani mend se çfarë bëri qeni juaj kur vendosët për herë të parë një fshesë para tij. Shumë qen zhvillojnë fobi ndaj objekteve të ndryshme. Fshesa me korrent është një prej tyre. Por mund të jetë edhe një zbukurim apo edhe diçka që bën zhurmë.