Senatorja franceze: Futbollistit Benzema t’i hiqet shtetësisa franceze dhe Topi i Artë
Senatorja franceze Valerie Bouquet ka kërkuar që futbollistit Karim Benzema t’i anulohet kombësia franceze, si dhe Topi i Artë. Kjo kërkesë vjen pas akuzave nga Ministri i Brendshëm i Francës, Gerald Darmanin, i cili thotë se Benzema ka lidhje me Vëllazërinë Myslimane, e cila është klasifikuar si një organizatë terroriste.
Senatorja franceze bëri thirrje për hakmarrje të ashpër ndaj sulmuesit të saj francez në një deklaratë për shtyp.
“Nëse deklaratat e ministrit të Brendshëm janë të vërteta, duhet të konsiderojmë sanksione ndaj Karim Benzema. Një sanksion simbolik fillimisht do të ishte heqja e tij nga Topi i Artë. Së fundi, ne duhet të kërkojmë heqjen e shtetësisë franceze. Nuk mund të pranojmë që një shtetas francez, i njohur ndërkombëtarisht, të turpërojë dhe madje ta tradhtojë vendin e tij në këtë mënyrë”, shpjegon ajo në deklaratë.
Organizata ‘Vëllazëria Myslimane’ klasifikohet si një organizatë terroriste në shtatë vende, duke përfshirë Arabinë Saudite ku Benzema luan futbollin me klubin e tij Al Ittihad.
Vëllazëria Myslimane gjithashtu klasifikohet si një organizatë terroriste në Rusi, Siri, Egjipt, Bahrein, Emiratet e Bashkuara Arabe dhe Austri.