Çmimet e qirave të apartamenteve në Tokio janë jashtëzakonisht të larta, kështu që apartamentet e lira që mund të merren me qira për 250 euro në muaj janë të njohura në mesin e japonezëve. Edhe pse janë të lira, këto apartamente janë jashtëzakonisht të vogla. YouTuberi japonez Usui jeton në një nga këto mikro-apartamente prej shtatë metrash katrorë në Tokio. Ai poston rregullisht video në kanalin e tij në YouTube.

Edhe pse nuk ka shumë hapësirë në apartament, Usui thotë se ka gjithçka që i nevojitet për të jetuar. Hapësira më e madhe në apartament është dhoma e gjumit, ku ka një shtrat, një tavolinë me një karrige dhe një lavatriçe. Në shtatë metra katrorë ka vend edhe për një mini-banjo me dush dhe tualet, si dhe një lavaman dhe hapësirë e vogël. Kur Usui dëshiron të gatuajë, ai përdor një tenxhere me induksion, por shumicën e vakteve i ha jashtë. Qiraja mujore e apartamentit është 39000 jen ose rreth 250 euro.