Së fundmi prokuroria e Romës ka nisur një hetim ndaj kirurgut Sergio Alfieri, i cili në të kaluarën ka operuar edhe Papa Françeskun. Hetimi ka nisur pasi ka pasur akuza në lidhje me deklarimet e rreme të veprimtarisë profesionale. Sipas gazetës La Stampa, gjatë turneve të tij në spitalin katolik Agostino Gemelli në Romë, Alfieri, i cili operoi Papën, dyshohet se është deklaruar “i pranishëm” në disa operacione në të njëjtën kohë, duke firmosur dhe marrë tarifa shtesë, ndërsa disa herë ai ishte në konferenca dhe kuvende. Hetimi është ndërmarrë nga karabinierët dhe e gjithë çështja ka të bëjë me periudhën kohore nga korriku 2022 deri në këtë verë.

Papa Françesku njoftoi së fundmi se vuante nga një formë akute e bronkitit. Pavarësisht se është i sëmurë, Papa ende i kryen detyrat e tij dhe takohet me njerëz. Ndërkohë Papa ka përsëritur thirrjen e tij për paqe, teksa bën thirrje për lutje për njerëzit që vuajnë në Myanmar, Ukrainë, Palestinë dhe Izrael dhe thekson faktin se të vetmit që përfitojnë nga lufta janë prodhuesit e armëve.

Papa Françesku foli gjithashtu së fundmi për dhunën dhe vrasjen e grave dhe shprehu se është e qartë se edukimi i burrave për respekt dhe marrëdhënie të shëndetshme është mëse i nevojshëm. Në një konferencë, Papa shtoi se edukimi formon një person dhe një shoqëri dhe paralajmëroi se nuk duhet harruar ndërgjegjësimi për zhvillimin njerëzor, pasi kjo është pikërisht ajo që do të përmirësojë shoqërinë në të ardhmen. “Duhet të mbani mend se njerëzit prej mishi e gjaku duhet të respektohen si të afërmit tuaj”,-tha kreu i Kishës Katolike.