Filmi “5 Herë Jo” është kthyer tashmë në projektin kinematografik më të përfolur aktualisht.

Personazhe të shumtë u bënë pjesë e premierës së madhe që u mbajt më 12 dhjetor, ndërsa shprehën mendimet dhe urimet e tyre për filmin.

Deklaratat e tyre kanë qarkulluar dhe janë komentuar tashmë prej ditësh, mirëpo ne ende nuk kishim parë intervistat e shkurtra nga e ëma dhe i biri i Bora Zemanit, që normalisht ishin në premierë.

“Besojmë do dali mirë, sepse ata kanë punuar me shumë pasion dhe dashuri. Presim një gjë të bukur”– u shpreh e ëma e moderatores, teksa shihej e lumtur për suksesin e çiftit.

Edhe Arbori e bëri një urim për ta, tek tha: ” Mami dhe Donaldi ju dua shumë dhe ju uroj shumë suksese” 

Kujtojmë se aktualisht filmi po korr sukses në kinema ndërsa është dashur të shtohen oraret për shkak të fluksit të madh të njerëzve që shkojnë të shohin filmin.