Barbie” dhe “Oppenheimer” janë të nominuarit kryesorë për çmimet Golden Globe, me 9 dhe 8 nominime respektivisht. Kandidatë janë po ashtu “Killers of the Flower Moon” dhe “Poor Things”, me nga 7 nominime secili. Mes aktorëve kryesorë që pritet të rrëmbejnë nga një statujë ari, në ceremoninë që do të mbahet në Los Anxhelos me 7 janar të vitit të ardhshëm janë Emma Stone, Leonardo DiCaprio, Cillian Murphy dhe Da’Vine Joy Randolph.Po ashtu, mes nominimeve për serialin më të mirë renditen “The Diplomat”, “The Morning Show” dhe “The Crown”. Margot Robbie dhe Ryan Gosling spikasin po ashtu si të kandiduar për aktorët, më të mirë protagonistë, për rolin e tyre në filmin Barbie.

Përzgjedhja e prezantuesit për Golden Globes 2024 nënkupton një moment kyç për ceremoninë e ndarjes së çmimeve. Prezantues këtë vit do të jetë komediani Jo Koy, që është hera e tij e parë që organizon një shfaqje çmimesh. Koy, i njohur për stand-up komedinë e tij, sjell një perspektivë të freskët dhe plot humor në eventin prestigjioz.Ai shpreh emocionin e tij për rolin, veçanërisht si një moment për të nderuar trashëgiminë e tij filipinase. Çmimet, që do të transmetohen në CBS dhe në Paramount+, përfaqësojnë një platformë të rëndësishme për Koy dhe një drejtim të ri për Golden Globes mes ndryshimeve dhe polemikave të fundit.

Presidentja e Golden Globes, Helen Hoehne, shprehu entuziazëm për Jo Koy që do të priste ceremoninë e vitit 2024.Lista fillestare e prezantuesve për çmimet e 81-të të Golden Globe përfshinte Amanda Seyfried, Angela Bassett, Gabriel Macht, Patrick J. Adams, George Lopez, Julia Garner, Justin Hartley, Michelle Yeoh dhe Will Ferrell.Më shumë prezantues priten të publikohen për ceremoninë, e cila do të transmetohet drejtpërdrejt në CBS dhe në Paramount+. “Barbie” kryeson nominimet e filmave me nëntë, e ndjekur nga “Oppenheimer” me tetë, dhe “Killers of the Flower Moon” dhe “Poor Things” me nga shtatë.