Victoria’s Secret tanimë përfaqësohet nga një modele 66-vjeçare!
vovalbania
January 22, 2024
0 koment
1 Mund të lexoni në minuta.
Ajo quhet Elisabetta Dessy, është 66-vjeçe dhe në vitet ‘70-’80 pati një karrierë të suksesshme modelingu në Itali. Elisabetta ka qenë notare olimpike, më pas modele dhe tani iu kthye pasarelës për të marrë pjesë në shfaqjen e Valentino Haute Couture në Milan Fashion Week dhe më pas u bë e para modele mbi 60-vjeçe që përfaqëson Victoria’s Secret.
Marka e njohur e të brendshmeve është kritikuar ndër vite për standardin e bukurisë që përfaqësonte me vajza shumë të dobëta të cilat merrnin pseudonimin “engjëj”. Prej kritikave të shumta, drejtuesit u detyruan të ndryshojnë drejtim. Së fundmi, Victoria’s Secret i ka të gjitha, edhe vajzat me forma më të mbushura dhe së fundmi edhe një grua 66-vjeçare që ka reklamuar dy nga dizajnet e brand-it. Elisabetta u zgjodh për fushatën e dashurisë, pra Shën Valentinin dhe kjo përzgjedhje vë në dukje ndryshimin e theksuar që bota e modës po ndërmerr për të promovuar bukurinë në çdo moshë.
LAJME
