Një këmishë e veshur nga aktori Colin Firth në xhirimet e serialit ‘Pride and Prejudice’ (1995) është shitur për 25,000£ në një ankand bamirësie në Londër. Me këtë këmishë, Colin Firth që luante zotin Darcy, pasi notoi në liqenin e tij, përplaset me Elizabeth Bennet, të luajtur nga Jennifer Ehle, me rroba të lagura. Kjo skenë në fakt nuk ekziston në librin e Jane Austen, por kjo nuk e ka penguar atë të bëhet një nga momentet më të famshme televizive të të gjitha kohërave.

Veshja, e cila përfshinte një këmishë të bardhë, jelek prej kadifeje, pantallona dhe çizme, fillimisht u vlerësua midis 7,000 dhe 10,000 £, por çmimi është dyfishuar. Kjo është një nga disa këmisha të përdorura gjatë xhirimeve, ndërsa një tjetër është shitur më parë në një ankand bamirësie dhe e treta mbetet në arkiv. “Nuk është vetëm këmisha, është i gjithë kostumi që Colin veshi në atë skenë, duke përfshirë edhe çizmet”,-tha kostumografja Dina Collins për mediat. Në ankandin e organizuar nga kompania e aksionit Kerry Taylor u gjetën edhe kostume nga seriale të tjera televizive.