Fationi tha se ishte penduar për daljen e tij të nxituar dhe të detyruar nga dhënia e fjalës, për të dalë ‘burrë’.

Ndërsa opinionisti Arbër Hajdari ia ktheu se burrë do ta bënte qëndrimi në lojë dhe përballja me konkurrentët për të fituar çmimin e madh.

Në lidhje me këtë diskutim për termin ‘burrë’, që u lakua gjatë mbrëmjes, Turjan Hyska komentoi në ‘instastory’, duke ironizuar dhe dhënë përkufizimin e tij për këtë term.

“Burrnia është të punosh me djersën e ballit, burrnia është të kujdesesh për familjen, të edukosh fëmijët, burrnia është të marrësh dyfekun për atdheun, burrnia është të kujdesesh për prindërit… Me pak fjalë kjo është burrnia, se është bërë burrnia në ekran si kursi i euros”- shkruan ai.