Princi Charles ka filluar të bëjë një ndryshim në Sandringham, duke lënë gjurmë në pronat e Norfolk për herë të parë që nga vdekja e Mbretëreshës në shtator. Princi ka zgjedhur anën perëndimore të Shtëpisë Sandringham, të cilën e ka kthyer në një kopsht. Ndryshimi i ri do të përmirësojë biodiversitetin e zonës.

Një sërë bimësh të reja të krijuara për t’i bërë ballë kushteve të vështira të motit do të shtohen, së bashku me një shteg me zhavorr për të lejuar vizitorët të eksplorojnë kopshtin. Puna pritet të përparojë shpejt dhe të jetë e hapur për publikun nga mesi i majit. Sandringham ishte një rezidencë e preferuar e mbretëreshës, e cila mblidhte familjen e saj atje çdo Krishtlindje, një traditë që Princi Charles po vazhdon. Babai i tij i ndjerë, Princi Philip, gjithashtu i pëlqente të kalonte kohë në Norfolk.

Rikujtojmë, se në muajin maj Charles do të kurorëzohet mbret dhe gruaja e tij Camilla do të kurorëzohet gjithashtu. Ceremonia historike do të zhvillohet në Westminster Abbey më 6 maj. “Kurorëzimi i Madhërisë së Tij dhe Camilla do të bëhet në Westminster Abbey të shtunën më 6 maj 2023.

Ceremonia do të kryhet nga Kryepeshkopi i Canterbury-t. Ceremonia do të pasqyrojë rolin e monarkut dhe vizionin e tij për të ardhmen, duke u rrënjosur në traditat e vjetra”, thuhet në deklaratën e pallatit. Ka shumë mundësi që Camilla t’i jepet një titull i ri pas kurorëzimit. Tashmë ajo është gruaja mbretërore.