Parashikimi i motit, vendi nën ndikimin e masave të ftohta ajrore!

AKTUALITET

Parashikimi i motit, vendi nën ndikimin e masave të ftohta ajrore!

vovalbania February 12, 2023 0 koment 1 Mund të lexoni në minuta.

Parashikimi i motit, vendi nën ndikimin e masave të ftohta ajrore!

Shërbimi Meteorologjik Ushtarak bën të ditur se sot vendi ynë do të vijojë të ndikohet nga kushte të qëndrueshme atmosferike falë masave ajrore të ftohta me origjinë veriore.

Moti parashikohet me kthjellime, si edhe me alternime vranësirash kalimtare mesatare e hera-herës deri të dendura, kryesisht në relievet malore në lindje të territorit shqiptar. Në zonat luginore në orët e mëngjesit pati mjegull të dendur/ mjegullinë duke u bërë shkak për shikim të reduktuar.

Era do të fryjë me drejtim verilindje-veriperëndim me shpejtësi mesatare nga 1-7 m/s, ndërsa përgjatë vijës bregdetare jugore e në zonat luginore era është intensive me shpejtësi nga 8 deri në 12 m/s. Valëzimi në dete parashikohet i forcës 1- 3 ballë.