Parashikimi i motit për sot, kushte atmosferike të paqëndrueshme!
Shërbimi Meteorologjik Ushtarak bën të ditur se për ditën e sotme vendi ynë do të jetë nën ndikimin e kushteve atmosferike relativisht të paqëndrueshme për shkak të masave ajrore të lagështa, me origjinë juglindore.
Moti parashikohet i vranët në pjesën më të madhe të territorit ndërsa nuk do të mungojnë dhe intervalet afatshkurtra me diell, kryesisht përgjatë Ultësirës Perëndimore. Vranësirat e dendura në zonën e jugut dhe kryesisht në të juglindjes do të shoqërohen me reshje shiu të herëpas’hershme me intensitet të ulët deri dhe mesatar, në formën e shtrëngatave. Në mënyrë të izoluar e në periudha tepër afatshkurtra, reshjet në këto zona janë në formën e rrebesheve, shoqëruar me shkarkesa elektrike dhe breshër.
Era do të fryjë relativisht intensive me drejtim verilindje-juglindje e me shpejtësi mesatare 1-10m/s, ndërsa përgjatë vijës bregdetare dhe në zonat luginore, era fryn intensive e është relativisht problematike, si dhe me shpejtësi deri 12-16 m/s. Valëzimi në dete do të jetë i forcës 1-3 ballë.
Temperaturat parashikohen:
Shkodër
23/32
Re
Kukës
15/29
Re
Lezhë
22/31
Re
Dibër
16/31
Re
Durrës
22/35
Re
Tiranë
22/35
Re
Elbasan
20/33
Re
Berat
22/32
Re
Vlorë
22/29
Re
Korçë
14/25
Re shi
Gjirokastër
17/29
Re shi
Sarandë
19/30
Re