Aktori i ndjerë Matthew Perry në autobiografinë e tij të publikuar tetorin e kaluar kishte përmendur marrëdhënien e ngushtë, por platonike që kishte zhvilluar me asistenten e tij personale, Briana Brancato. Thuhet se ajo është personi që bëri thirrjen e dëshpëruar në urgjencë për të raportuar gjetjen e Perry-t të vdekur në vaskë. Perry ishte dëshpërimisht i vetmuar dhe dëshironte të kishte një familje dhe fëmijë. Por në 7 vitet e fundit ai kishte gjetur Briana-n, personin që i ishte pranë në momentet e tij më të vështira.

Në librin e tij ai zbuloi se një nga marrëdhëniet e tij më të ngushta dhe afatgjatë ishte me 34-vjeçaren që ai gjithmonë e përshkruante atë me pseudonimin ‘Erin’. Ai shkroi se ajo ishte shoqja më e mirë, se i shpëtoi jetën dhe se madje ulej pranë shtratit të tij çdo natë për pesë muaj, ndërsa ai u shërua në spital nga një problem me zorrës së trashë. Aktori i ndjerë tha se marrëdhënia e tij me asistenten nuk u kthye kurrë në romantike. Pas vdekjes së Perry-t, Brancato erdhi me një mesazh prekës në rrjete sociale:

Unë i kam shprehur atij mirënjohjen më të thellë në shumë raste, jo vetëm sepse më çoi në një karrierë që e vlerësoj, por edhe sepse ai më lejoi të kujdesem për të për 7 vjet. Së bashku me përvojat e tjera të panumërta për të cilat jam mirënjohëse. Ai ka ndarë me mua shumë sekrete nga ndarja e aventurave të tij të kësaj bote duke jetuar nëpër botë, ai më çoi në një udhëtim të jashtëzakonshëm. Zemra ime është e rënduar, por festimi i kujtimeve të mia është mënyra më e thellë për të nderuar trashëgiminë e tij. Shpresoj se atje lart në përjetësi, Mattman po na dërgon shenja. Ne kemi vërtet nevojë për to. Do të jesh përgjithmonë në zemrën time. Të dua, Mati!

Rikujtojmë, se pesë yjet, miqtë e të ndjerit Matthew nga seriali “Friends”, kanë dhënë një deklaratë të përbashkët zyrtare në lidhje me vdekjen tragjike të aktorit në moshën 54-vjeçare. Jennifer Aniston, Courteney Cox, Lisa Kudrow, Matt LeBlanc dhe David Schwimmer nënshkruan të gjithë deklaratën, duke u thënë fansave se janë zemërthyer nga lajmi. Sipas mediave të huaja, aktori u gjet i vdekur në vaskë në shtëpinë e tij. Prej vitesh aktori vuante nga problemet e shëndetit mendor.